2009年11月3日星期二

由前個星期開始計起…

10月23號,由食飯開始飲。跟住…karaoke直落…飲!(重唔好再向前推,我驚諗起我自己都驚!)

10月24 - 飲!(但係唔知咩事…)

10月25號,星期日!都飲!(今次記得喇,因為韓星襲港,要陪佢飲!)

10月26號,星期一long weekend最後一日,又飲!(同韓星打邊爐,唔係唔飲下嘛?!)

10月27號,以為可以抖番日…點知…首映禮after party…再飲!點知,after party之後,志奐再叫我地臨別after party…於是,冇得唔飲!又係硬仗,又係甘既!

中間好似抖番兩三日…(飲5日抖3日,Fair丫?!)

10月31號,星期六又係Halloween…唔係話走得甩唔使飲下嘛?飲飲飲!

1號,星期日晚,林公家,蟹宴…再有朋自台灣來,少不免,又飲!

2號,正當天文台宣佈天氣真係轉凍既果個moment…再黎大陸電影廠廠長x重要幹部一堆…於是,又飲!飲完再捉左去Habitat…以為冇咩事可以收工…點知,又再被人捉去DI飲飲飲!

可以點呢?醉爆之後又係醉得更爆!

一個字 - 灰s!

2009年10月26日星期一

勇氣

轉左黎blogspot呢度正式post既第一篇entry…繼續我手寫我心,有咩講咩。始終,我認為網誌係記聚當下心情,多過下下出精品!老實講,我既工作,絕大部份已經同文字/筆耕有關;寫blog都係還原基本步,簡單就是美好d!

搬左地盤確有唔慣。唔就手係必然既:邊度回覆番大家既回應?邊度可以一次過睇番自己登既entries?點樣可以“裝修”下個地盤呢?有冇時間制功能呢?全部唔識!

等同搬左新屋,樣樣野唔就手;甚至連訓都會冧一樣…

一切都係習慣。

我地既人生何嘗唔係不斷要轉變、不斷要習慣呢?

周之無日不停需要面對轉變。人,天生就係有惰性。好多時,我地最驚既就係轉變。大事唔好講,細眉細眼既野我地都成日船頭驚鬼,船尾驚賊;諸多顧慮,綁手綁腳。於是,搬新屋如是,番新工如是,面對新敢情如是…

由細到大,呢d處境發生得太多;但偏偏我地就冇習慣過轉變,反而習慣左固有既習慣。

我咁講,並唔係我叻過人;更加唔係我一d都唔怕轉變。只係,我認為如果連轉變既勇氣都拎唔出,做人、做事都永遠好難成功!一次生、兩次熟。識得咁諗,再比d耐性去適應新既事物、新既環境,自己慢慢摸,點都總好過固步自封,原地踏步,一池死水仍然繼續丫?!

千里之行,始於足下。

行出一步,轉變,其實並唔係世界末日!他日望番轉頭,好多以前認為好嚴重既野,原來都只係一笑置之唧!

垃圾場

對於黎呢度開blog,可謂情非得已!

一切要由垃圾yahoo blog既衰落開始講起…

都已經唔知幾多次鬧爆呢個垃圾管理層!唔係唔準post相,就係唔見哂d野…搵得番,又short過第二樣!3年黎無日無之!未算係鑊鑊新鮮,但肯定鑊鑊都甘!我留到而家,已經係容忍極限!

過2日,我會當面鬧爆呢個垃圾場既管理層!

btw,作為第一篇entry,齋字都係廢話少講!